بصراحة حبيت أشارككم تجربتي الشخصية مع ديبسيك، انا كنت متحمس جدا اجربو خصوصا انو الكل كان يهضر عليه في النت ويقولو انه قوي بزاف، لكن بعد ما جربتو لمده، حسيت انو التجربة ما كانتش بالمستوى لي كنت نتوقع، يعني في مرات يعطيك اجوبة مليحة ومفيدة لكن في مرات أخرى تحس كلامو بعيد على الواقع او ناقص تفاصيل، و ساعات كي تطرح سؤال دقيق يرجع يجاوبك بطريقة عامة بزاف وكأنو ما فهمكش مزيان، و اكثر حاجة خلاتني نتدايق هي انو مرات يبان كأنو يخلط بين المواضيع و يعطيك اجابة ماشي واضحة. اكيد ما نقدرش نقول كلشي سلبي، لانو فيه لحظات عطاني معلومات مهمة واستفدت منها، لكن بشكل عام التجربة حسيتها زفت مقارنة مع التوقعات لي رسمتها في بالي. يمكن مع الوقت يطورو المنصة وتولي احسن، وانا شخصيا ما نحبش نحكم حكم نهائي، لكن حاليا ما نصحش بزاف ناس يجربوه إذا كانو باغيين يعتمدوا عليه بشكل اساسي.
